صحيفة نبض الشعب الاسبوعيه رئيس التحرير جعفر الخابوري

*** تراثيات فلسطينية
زفة العريس:-ويردد الرجال اغنية الزفة الشهيرة(تلولحي يا داليه), حين يقومون بالاحتفال بالعريس بعد ان يجهزوه ليلتقي بعروسه ..تقول الاغنية
تلولحي يا دالية
يا ام الغصون العاليه
تلولحي عرضين وطول
تلولحي ما اقدر اطول
|||||||
أخضر يا زر البامية
مسعد يا جوز الغاوية (الجوز هو الزوج باللهجة الفلسطينيه وشرق المتوسط
أحمر يا زر البندورة
مسعد يا جوز الغندورة
::::::::::::
يا عريس يا ابو الحطة
من وين صايد هالبطة
يا عريس يا ابو العقال
من وين صايد هالغزال...
(يستبدل كلمة العريس عادة باسم العريس)
::::::::::::::::::
وتمايل يا غزالي
مين غيرك يحلالي
وتدلل يا حبيبي
يا ريتك نصيبي
::::::::
يا صلاتك يا محمد
يا خزاتك يا ابليس
:::::::::::::::::::
ويا ام ثويب طرزتيه
وحطيته البلاوي فيه
وعلى جوزك خبيتيه
ويوم الزفه طلعتيه
::::::::
كنت اعزب داير مجنون
داير بين الشبان
قلي عقلي واتجوز
واتجوزت وأخذت الزين
وحبل الزين وجاب غنيم
صار يقول لي يا بابا
بدي حلاوة منفوشة
مديت ايدي على الجيبة
لقيت الجيبة منقوشة
::::::::::
وهون واربط باب الدار
تنخطب بنت المختار
وهون واربط في الحارة
تنخطب بنت الامارة
وهون واربط بالشارع
ومن غيرها ما طالع
:::::::
عريسنا زين الشباب
زين الشباب عريسنا
:::::::::::::::::
عقبال عرس اولادكم وحبايبكم واحفادكم
مساكم افراح وليالي أملاح وهداة بال يارب العالمين